تحرّش يابن عمّي فكما تُدين تُدان

تحرّشت ؟؟ طب متّعت عضوك .. و لا إيديك .. ولا عينيك .. ولا لسانك ؟!!

عارف إن في نفس اللحظة دي ممكن يكون حد بيمتع عضوه أو إيديه أو عينيه أو لسانه متحرشاً بأختك ؟؟ آه أختك !!
لا و ممكن أمّك كمان .. آه و الله ..

ماهو مش كل المتحرشين محترمين زيّك بيحبوا البنات الصغيرة .. في ناس قلالات الأدب بيدوسوا و خلاص ..

طب تعرف إنك ممكن إنت كمان حد يتحرّش بيك و يكون راجل كمان و شوف بقي كمية اليعّ اللي هتحس بيها ..

المهم بس .. سيبك من ده كله و كلمني عن إحساس الست الوالدة و أختك لمّا حاجة زي كده تحصلهم ..
كلمني عن نفسهم المكسورة .. و ده كله لمجرد وجود حلاليف أمثالك ملهومش لازمة في الحياة .. بيقتلوا جواهم فخرهم بأنوثتهم ..

طب كلمني عن شعورك لما تعرف إن ده حصل لأمّك أو أختك رجولتك هتنقح عليك ؟؟ و تنزل تجيب الواد اللي عمل كده من شعره و تشقّه نصين ؟؟
طب ما إنت بتعمل زيّه يا أهبل !!

إنت مش مريض نفسي .. إنت حرامـــي ..
و للأسف الحاجة المسروقة هنا بتجرح السارق في إنسانيته
و المسروق في كرامتـــــــه ..

و كله مــــردود لك في الآخر
فاتشقلب براحتـــــــــــك

و تحرّش يابن عمّـــــــــــي
فكما تُديــــــــــــن تُــــــــــدان !!

http://twitter.com/#!/Mahmoud_Hakeem

هيلمــــــــــــان البهـــــــــــايم !!

هيلمــــان البهـــــايم
كــــلام ســـــــــاخر عن السادة الحميـــــــــــــر
و اللي علي راسه بطحــــــــه !!

من أنــــــــــــــا ..

شاعر ثائر .. و في يده قلمان من الحبر و الدم

الحبر ألقاه جانباً .. و كسا أوراقه بكلمات من احمرار الألم

إذا مت سيدي فقل لي .. في الكفن أين الجيب تملؤه

و قل إن حييْت .. كيف تحيا .. و جلباب الذل يلبسك

الموت أحياناً يصبح عزة للرجال .. و العار إن جاءك في الحياة وفاة

أتقدس عيشة ملهياً في جمع المال .. أم ميتةً بكرامة تصبح بألف

حياة

كلماتي موجهة إلى من فارق قلبه الأوطان .. فلتنعم في حياة الزيْف

و قريباً في طيا النسيان

**************************************

بهذه الكلمات أبدأ مدونتي باب الحكمة كي تكون كصراط أنتهجه

في كتاباتي ,

 فالحق أحق أن يتّبع

 و زيْف الكلام  له تأثير أقوى من هتك السيف

 فالجرح الظاهري يطيب أما جرح الفكر فلا مطيب له سوى
الضمير .

الضمير هو أن تحاسب نفسك قبل أن تفعل .. الضمير هو أن

تراعي لسانك فيما تقل

 هو أن ترضَى ما تفعل و ما تقل على نفسك قبل أن ترضاه على

الآخرين

***********************

بسمك اللهم أبدأ .. فأملِي عليّ ما أرضاه على نفسي و ما فيه خير لي أو لغيري
 
*************************

 ملحوظة : ستتضمن هذه المدونة مقالات بالعامية العربية

محمود حكيم

https://twitter.com/#!/Mahmoud_Hakeem